Qarpızın insan sağlamlığına faydası və ziyanı

390

Qarpız dadlı giləmeyvədir. Qarpızın tərkibi insan sağlamlığı üçün faydalıdır.100 qram qarpızın tərkibində 30 kalori var. Eyni zamanda A və C vitaminləri, insan orqanizmi üçün faydalı olan bir çox təbii birləşmələrlə zəngindir.

100 qram qarpızın tərkibi:

-Kalorilik: 30 kkal;

-Karbohidratlar: 7.5 qram;

-Yağlar: 0.2 qram;

-Zülal: 0.6 qram;

-Sellüloz: 0.4 qram;

-Vitamin A: 569 ME;

-Vitamin C: 8.1 milliqram;

-Xolin: 4.1 milliqram;

-Betain: 0.3 milliqram

Qarpızın tərkibində eyni zamanda E və T vitaminləri, tiamin, riboflavin, niasin, B6 vitamini, foli turşusu, pantoten turşusu, kalsium, dəmir, maqnium, fosfor, kalium, natrium, sink, mis, marqans və selen var.

Qarpızın insan sağlamlığına faydası

Qarpız yemək orqanizmin su ilə təminatını dəstəkləyir, xərçəngin qarşısını almağa kömək edir, iltihabı və oksidləşdirici stresi azaldır, ürəyi sağlamlaşdırır. Qarpızın orqanizmə faydaları aşağıdakılardır:

1. Orqanizmin su təminatını dəstəkləyir. Su qəbul etmək orqanizm üçün çox vacibdir. Maraqlıdır ki, qarpızın 92 faizi sudan ibarətdir.

2. Qarpızın tərkibində bir sıra antioksidantlar var:

-C vitamini;
Ətraflı

-Karotinoid;

-Likopin;

-E kukurbitasini.

3. Xərçəngin qarşısını alır.

4.Ürəyin sağlamlığına müsbət təsir edir.

5. Qarpız dəri və saç üçün də faydalıdır. Qarpızın tərkibindəki A və C vitaminləri dəri və saçın sağlamlığı üçün vacibdir.

6. Həzmi yaxşılaşdırır. Qarpızın tərkibində çoxlu su və az miqdarda sellüloz var. Bu isə düzgün qidalanma üçün vacibdir.

Qarpızın insan sağlamlığına ziyanı

1. İshala və həzmlə bağlı digər problemlərə səbəb ola bilər. Qarpız əla su mənbəyi və qida lifləri mənbəyidir. Amma qarpızı ifrat dərəcədə yemək həzmlə bağlı problemə səbəb ola bilər. Bu sıraya ishal, qarın köpü, meteorizm, qaz vəs. aiddir.

2. Qlükoza miqdarını artıra bilər. Əgər siz şəkərli diabetdən əziyyət çəkirsinizsə qarpız yeyən zaman icazə verilən qlükoza normasından artıq qlükoza qəbul etmə riski artır.

3. Bədəni həddən artıq su ilə təmin edə bilər və su intoksikasiyasına səbəb ola bilər. Bu zaman isə orqanizm həddən artıq su qəbul etmiş olur.

4.Ürək-damar sistemi problemlərinə səbəb ola bilər. Məlum olduğu kimi, qarpızın tərkibində kalium bol miqdardadır. Bu maddə ürəyimizin sağlamlığına müsbət təsir edir, sümükləri və əzələləri möhkəmləndirir. Amma həddən artıq kalium ürək-damar sistemi problemləri yarada bilər. Bunlar arasında aritmiya, nəbzin zəifləməsi var.

Gün ərzində nə qədər qarpız yemək olar?

Peşəkar dietoloqların sözlərinə əsasən, 100 qram qarpızın tərkibində 30 kalori var. Nəzərə alsaq ki, qarpız əsasən sudan ibarətdir, deməli asanlıqla 500 qram yemək olar. Bu isə 150 kalori yemək deməkdir. Eyni zamanda qarpızın mədə üçün yüngül olduğunu da nəzərə alsaq çox miqdarda qarpız yeməyin mümkün olduğu aydın olur.

Qarpız qəbul etmək sağlamlıq üçün faydalıdır, amma onu həddən artıq qəbul etmək artıq ziyandır.

Nəticə

Qarpız insan sağlamlığı üçün kifayət qədər faydalıdır. Onun tərkibində suyun miqdarı çoxdur. Eyni zamanda orqanizmi likopin və C vitamini də daxil olmaqla bir sıra faydalı maddələrlə təmin edir. Qarpızın tərkibində bu qidalandırıcı maddələrin olması o deməkdir ki, qarpız təkcə dadlı və az kalorili giləmeyvə yox, eyni zamanda sağlamlıq üçün də çox faydalıdır. Amma digər qida məhsullarında olduğu kimi qarpızı da normadan artıq qəbul etmək olmaz. Çünki həddən artıq qarpız yemək yuxarıda sadalanan fəsadlara səbəb ola bilər.